Azərbaycan Respublikası Prezidentinin 23 noyabr 2018-ci il tarixli 739 nömrəli Sərəncamı ilə təsdiq edilmiş “Azərbaycan Respublikasında dövlət qulluğunun inkişafına dair 2019-2025-ci illər üzrə Strategiya”nın 2019-2021-ci illərdə icrası üzrə Fəaliyyət Planında, Azərbaycan Respublikası Prezidentinin 2018-ci il 30 oktyabr tarixli 602 nömrəli Sərəncamı ilə təsdiq edilmiş “2019–2030-cu illər üçün Azərbaycan Respublikasının Məşğulluq Strategiyası”nda və Azərbaycan Respublikası Prezidentinin 15 sentyabr 2017-ci il tarixli 3236 nömrəli Sərəncamı ilə təsdiq edilmiş “Azərbaycan gəncliyi 2017-2021-ci illərdə“ Dövlət Proqramının həyata keçirilməsi üzrə Tədbirlər Planında nəzərdə tutmuş tədbirlərin icrasını təmin etmək məqsədilə, Dövlət İmtahan Mərkəzi tərəfindən dövlət qulluğunun təbliği və təşviqi məqsədilə Bakı şəhərində və regionlarda vətəndaşlarla, o cümlədən gənclər və tələbələrlə mütəmadi görüşlər təşkil edilir.
Dövlət İmtahan Mərkəzi tərəfindən Azərbaycan Respublikası Vətənpərvər Maarifçi Gənclər İctimai Birliyi ilə birlikdə 2019-cu ilin 15 noyabr tarixində saat 15:00-da Mingəçevir şəhər “Gənclər Evi”ndə, 2019-cu ilin 16 noyabr tarixində saat 11:00-da Gəncə şəhər “Gənclər Evi”ndə görüşlər təşkil ediləcəkdir.
Dövlət qulluğunun təbliği və təşviqi məqsədilə təşkil edilən tədbirlərdə iştirak edəcək gənclərə dövlət qulluğuna qəbul qaydaları, test imtahanı və müsahibə mərhələləri, vakant vəzifələrin tutulmasının ümumi şərtləri, Mərkəzin dövlət qulluğuna dair elektron xidmətləri və dövlət qulluğuna dair digər məsələlər barədə məlumatların verilməsi nəzərdə tutulur.
Tədbirdə iştirak etmək istəyən gənclər ad və soyadlarını r.aghayev@dim.gov.az e-mailına göndərə və ya 012 465 87 93 (daxili 130) nömrəsi ilə əlaqə saxlaya bilərlər.